Azərbaycan ərazisinə daxil olduqda hava limanında həyata keçirilən viza prosedurları mayın 15-dən ASAN-nın “Vətəndaşlar üçün Viza” və “ASAN Ödəmə” sistemi vasitəsilə elektron şəkildə həyata keçiriləcək.
Bu barədə türk mətbuatı Mülki Aviasiya Ümumi Müdirliyinin (SHGM) internet saytına istinadən xəbər yayıb.
Bildirilir ki, Türkiyənin Bakıdakı səfirliyinə göndərilən xəbərdarlığa uyğun olaraq, xaricilərə və vətəndaşlığı olmayan şəxslərə tətbiq olunan viza proseduru dəyişdirilib.
15 may tarixində qüvvəyə minən həmin qərar çərçivəsində giriş vizaları “ASAN Visa” və “ASAN Payment” sistemi üzrə beynəlxalq hava limanlarında elektron şəkildə təşkil olunacaq.
Sözügedən icraat Azərbaycan prezidentinin yanında fəaliyyət göstərən ASAN tərəfindən həyata keçiriləcək.
