Dünyanın 200-dən çox ölkəsində pulsuz qalmanın yolu

Ola bilsin bu sizə inandırıcı gəlməyə bilər. Lakin bu gün dünyada milyonlarla insan indi təqdim edəcəyimiz yolla xaricə səfər edən zaman qalmaq xərclərindən tamamilə xilas olur.

CouchSurfing (CS) beynəlxalq qonaqpərvərlik xidmətidir. Kasey Fenton, Danyel Hofer, Leonardo Bassani və Sebastiyan Tuan tərəfindən 2004-cü ildə San-Fransiskoda yaradılıb. Bu gün 10 milyona yaxın insan bu şəbəkənin üzvüdür.

Couchsurfingdən necə istifadə edə bilərsiniz?

Couchsurfing.com saytına üzv olmaq pulsuzdur. Siz burada profil açmaqla digər üzvlərlə əlaqə yarada və gedəcəyiniz ölkədə onların evlərində pulsuz qala bilərsiniz. Əlbəttə ki, bir gün onlar Azərbaycana gələn zaman siz qonaqpərvərlik xidməti göstərməli olacaqsınız… Çalışın özünüz barədə bütün informasiyaları yerləşdirin. Bu şəkildə insanların etibarını qazana və onları qonaq edə, qonaq gedə bilərsiniz. Qruplara daxil olmağı da unutmayın.

Getdiyiniz yerdə nələr etməli, haraları görmə məsələsində ən etibarlı məlumatları qonağı olduğunuz insanlardan əldə edəcəksiniz. Bir şəhəri orada yaşayandan daha yaxşı kim bilə bilər?

Gedəcəyiniz şəhərdə Couchsurfing etməyi planladığınız zaman çalışın özünüzə uyğun insanlar tapın. Profilləri dəqiq araşdırın. Siqaret, içki və digər məsələləri mütləq soruşun. Və unutmayın ki, siz qonaqsız. Ola bilsin bəziləri sizdən evə gec gəlməməyi tələb edəcək, bəziləri isə hətta evinin açarını belə verəcək. Təkrar edirik ki, bunun üçün səfərdən öncə araşdırmanızı dəqiq aparın.

Aviabiletinizi alıb, səyahətə yollanmaq vaxtıdır. Pulsuz evdə qonaqlamaq istəməyənlər saytımızdakı otel bölümündən gedəcəyi şəhərdə ən ucuzotelləri bronlaya bilərlər.

Mənbə: sey-yah.com

Quba

Quba alması Qubanın ağ alması haqqında məşhur mahnı var. Bu, sarımtıl rəngli, qırmızı yanaqlı, xoş ətirli, yumşaq qabıqlı almadır. Şəhərin hər yerində,

Ətraflı »