Ucuz aviabilet təqvimindən istifadə etmək və aviabiletlərin qiymətlərinin dinamikasını izləmək olduqca asandır. Bu növ məlumat yerləşdirilən saytlar, daha da əlçatan olması üçün, interfeyslərini kifayət qədər sadə tərtib ediblər. Odur ki, burada istənilən şəxs rahatlıqla öz istəklərinə uyğun məlumat əldə edə bilər.
Aviabiletlər barədə təqvim yerləşdirilən saytlar oxşar olduğu üçün, onlardan istifadə qaydası da eynidir. Bu səbəbdən, endirimli tariflə aviabilet əldə etmək istəyən şəxs, sayta daxil olaraq ilk öncə axtarış üçün bir sıra məlumatlar daxil etməlidir.
Axtarış xanasına əvvəlcə uçuşun hansı şəhərdən olacağı barədə, daha sonra isə gedəcəyiniz yer haqqında məlumat daxil etməli olacaqsınız. Növbəti mərhələdə isə, interaktiv təqvimdən istifadə edərək, gediş dönüş tarixləri, seçdiyiniz rahatlıq sinifi, sərnişinlərin sayı və yaşı barədə məlumatlar göstərilməlidir.
Bundan əlavə, yuxarıda qeyd edilən texnikaya riayət etməklə, bu saytlar vasitəsi ilə daha mürəkkəb marşrutlar üzrə də səyahətləri planlaşdırmaq olar.