Aviasiya sahəsinin ekspertləri müəyyənləşdirib ki, hava limanında baqajı itirməmək üçün bəzi məqamlara diqqət etmək lazımdır.
- Çamadanların üzərində sahibinin adını qeyd etmək üçün xüsusi yer nəzərdə tutulur. Bura həmçinin elektron poçt ünvanınızı, əlaqə telefonunuzu və yaşadığınız ünvanı qeyd edə bilərsiniz.
- Səfər ərəfəsində çamadanınızın üzərində əvvəlki uçuşlardan qalan qeydləri təmizləmək lazımdır ki, hava limanında yükün emalı sistemi aktual olmayan ştrix-kodları skan etməsin.
- Ekspertlər həmçinin yumru formalı baqajdan istifadə etməməyi məsləhət görür, çünki bu tip baqajlar çeşidləyici-xətlərdən yuvarlanaraq düşüb itə bilər.
- Öz çantanızın fərqli cəhətlərini və istehsalçı firmasını yadınızda saxlayın.
- Həmçinin çamadanınızın üzərinə fərqləndirici element (məsələn yapışqan) vura bilərsiniz.
